सभामुख महराले गरे गिरिजाप्रसादको प्रशंसाः ‘कोइराला नेपालको शान्तिप्रक्रियाका नायक’

काठमाडौं । सभामुख कृष्णबहादुर महराले गिरिजाप्रसाद कोइराला नेपालको शान्तिप्रक्रियाका नायक भएको बताएका छन् ।

गिरिजाप्रसाद कोइरालाको नवौं स्मृति दिवसको सन्दर्भमा आज काठमाडौंमा गरिएको कार्यक्रममा सभामुख महराले राष्ट्रिय र अन्तर्राष्ट्रिय चुनौतिका बीच उनले नेपालको शान्ति प्रक्रिया टुंगोमा पुर्‍याएको स्मरण गरे ।

१२ बुँदे सम्झौतादेखि पछाडिका शान्ति प्रकृयाका महत्वपूर्ण काम पूरा गर्न कोइरालाको भूमिका महत्वपूर्ण रहेको उनको भनाई थियो ।

सेना समायोजनदेखि हतियार ब्यवस्थापनसम्म चुनौति भए पनि उनले सहज रुपमा काम गरेको महराको भनाइ थियो ।

सभामुख महराले गिरिजाप्रसाद कोइराला सबै राजनीतिक दललाई साथ लिएर अगाडि बढ्न सक्ने नेताको रुपमा आफूले पाएको बताए ।

कार्यक्रममा नेपाली कांग्रेसका नेता गगन थापा र भीमसेनदास प्रधानले गिरिजाप्रसाद कोइरालाले देखाएको बाटोमा हिँड्नुपर्ने आवश्यकता औंल्याए ।

कोइराला नेपालको मात्र नभई दक्षिण एसियाकै नेता भएको उनीहरुको भनाइ थियो ।

जिपी कोइराला मेमोरियल सामुदायिक कलेजले गरेको कार्यक्रममा सभामुख महराले कलेजका उत्कृष्ट विद्यार्थीलाई सम्मानसमेत गरेको छ ।

तपाईको प्रतिक्रिया

सम्बन्धित समाचार