दुई बहिनीसँग बालुवाटारमा भाइटीका लगाउँदै प्रधानमन्त्री

काठमाडाैं । नेपालीहरूको दोस्रो ठूलो चाड तिहारको अन्तिम दिन अाज भाइटीका । यो दिन दिदीबिहनीहरूले आफ्ना दाजुभाइलाई सप्तरंगी टीका लगाइदिएर दीर्घायुको कामना गर्छन् ।

विभिन्न नेताहरूले पनि यो दिन दिदीबहिनीबाट भाइटीका लगाउँदैछन् । यो पटकको भाइटीका प्रधानमन्त्री केपी शर्मा ओलीले सरकारी निवास बालुवाटारमा लगाउनुहुने भएकाे छ । उहाँले आफ्ना दुर्इ बहिनीहरूसँग भाइटीका लगाउने कार्यक्रम छ । प्रधानमन्त्री ओलीले जेठी बहिनी विष्णुमाया ढकाल र माहिली बहिनी कमलादेवी कोइारालबाट भाइटीका लगाउनुहुने भएकाे हाे ।

चिकित्सकहरूले आराम गर्नू भनेकाले स्वास्थ्यलार्इ ख्याल गर्दै प्रधानमन्त्रीको भाइटीका बालुवाटारमै तय गरिएका प्रेस संयोजक चेतन अधिकारीले जानकारी दिनुभयाे । प्रधानमन्त्रीले चितवनमा बस्दै बस्दै आउनु भएकी जेठी बहिनी विष्णुमाया ढकाल र काँकडभिट्टामा बस्दै आउनुभएकी माइली बहिनी कमलादेवी कोइरालाबाट भाइटीका लगाउनुहुने भएकाे हाे ।

उहाँहरू दुवैजनालार्इ बिहीबारै राजधानीमा बोलाइसकिएको छ। भाइटीकाको निर्धारित उत्तम साइतमै प्रधानमन्त्री ओलीले  बालुवाटारमा भाइटीका लगाउने जानकारी प्रधानमन्त्रीका प्रेस संयोजक अधिकारीले दिनुभयाे ।

तपाईको प्रतिक्रिया

सम्बन्धित समाचार